TACLOBAN CITY – Ginaaghat han City Nutrition Office an mga molupyo han Tacloban City nga magkamayda hin healthy diet ngan healthy lifestyle mahitungod nga dako iton ihap han mga overweight ha syudad.
Basar ha datos, aada ha 1.71% an prevalence han overnutrition ha syudad ngan kun dire in atimanon ngan mapugngan in may posibilidad nga humitaas ini.
Sumala kan Tacloban City Nutrition Action Office-in-Charge, Malou Tabao agud mabuligan an mga molupyo nga mayda problema kasumpay hiton ira kalawasan mapa bata ma o lagas in mayda hira mga programa nga makakabulig ha mga overweight ngan underweight nga tawo agud matikangan an healthy lifestyle.
Mayda hira daily barangay consultation kaupod an kapitan han barangay ngan nutrition council; Mayda gihapon hira programa kasumpay ha livelihood agud makabulig ha family income ngan an feeding programs para ha undernutrition ha pakikipagbubligay na gihapon ha mga non government organizations para magin posible ini nga mga programa.
Dugang pa ni Tabao nga an panuyuan han ira opisina in tutduan an mga kag-anak han first 1000 days of life han mga bata nga tutduan an mga ini hin basic principles sugad nala hiton pag luto han mga masustansya nga pagkaon gamit iton mga tanom ha communal gardens nga usa gihapon ha ira mga programa.
