INTERNATIONAL – Maaabot ha haros 75 milyon nga botante nga residente na han Amerika an nakiparte ha early voting ugsa paman an piniliay niyan nga gab-i, oras ha Amerika.
Sumala kan Philippine Ambassador to the US Jose Manuel Romualdez, ine an syahan nga higayon ha kasaysayan han Amerika nga sugad kadamo an mga bumutos hin timprano.
Pag-abot ha Filipino-American community, gin pahayag ni Amb. Romualdez nga tunga an mga ine ha pagpili ha butnga nira anay US Pres. Donald Trump ngan VP Kamala Harris.
Dugang pa hine, naka-istorya niya an pira ha mga Fil-Ams partikular na ha Cleveland, Ohio, ngan kadam-an ha mga ine in Democrats, pero mayda gihapon mga nasuporta kan Trump.
Damo gihapon an mga Democrats ha iba pa nga estado han Amerika ha northeast sugad han irginia, New Jersey, ngan Massachusetts, pero damuay gihapon an supporters han anay US President.
Ine naman an ginkokonsidera nga critical ngan mahugot nga piniliay ha Amerika yana nga tuig.
