-- Advertisements --
Pag-aadman pa han Land Transportation Franchising and Regulatory Board an adjustments ha pamasahe han mga public utility jeep.
Ini in ha butnga han panawagan han grupo nga MANIBELA ngan an petisyon han PISTON para ha P10 nga dugang ha minimum nga pasahe ha jeep.
Sumala ha LTFRB, ginmandohan na hira ni Department of Transportation Sec. Giovanni Lopez nga pagstudyohan an naangay nga fare adjustments yana nga hataas utro an presyo han petrolyo.
Samtang, ginkokonsidera naman nira dinhi an kapas han mga pasaheros nga makasabay ha umento hiton pasahe ngan an posible nga epekto hini ha inflation ngan presyo han mga pangunahon nga papliton ngan serbisyo.
