INTERNATIONAL NEWS– Andam nga bumaton an Hamas ha panawagan ni Israeli Prime Minister Benjamin Netanyahu ha Red Cross nga pasudlon an mga tambal ngan pagkaon ha mga hostage ha Gaza.
Subay ha Hamas opisyal, matutuman la ine kun dayon nga maabrehan an Gaza strip ngan dayon makalakat an mga puwersa han Israel.
Una na nga gintawgaan ni Israeli President Isaac Herzog hi International Committee of the Red Cross President Mirjana Spoljaric kun diin gintagan hin importansya nga kinahanglan hira gumios para ha mga hostage.
Ginbabana-bana naman nga ada ha 49 an hostage nga kapot hiton Hamas.
Ginsigurado naman han Hamas nga makikipagbinuligay hira ha Red Cross nga magdara hin mga pagkaon ngan tambal para ha mga hostage ngan maabrehan an humanitarian corridors.
