TACLOBAN CITY — Puno hin kangaralson nga dumangop ha stasyon han Bombo Radyo Tacloban an grupo han mga residentehan bungto han Babatngon Leyte agud nga igpadangat an ira reklamo kaparte han financial assistance nga tag 5 mil pesos nga waray nira kakakatagamtami.
Storya han mga ini nga may pumakadto ha ira barangay nga tinaglawas han Department of Social Welfare and Development nga nagpasabot nga na download na an tag 5 mil pesos nga ayuda nga iginsaad ni Pres. Duterte para han mga nagkabibiktima han bagyo Yolanda ngan iginhatag ha ira an ira mga ATM kun diin didto nira kukubrahon an mao nga kwarta.
Pero han pumakadto na daw hira ha Landbank para kubrahon an ira tag 5 mil in nahisabutan nira waray pa daw ini sulod.
Makadamo na daw nira balyu-e an ira mga pin number ngan nagtesting makapira ka beses pero waray daw la gihapon.
Ini na daw an nagduso ha ira nga pumakadto ha buhatan han DSWD agud nga klarohon kun kay anu nga waray pa sulod an
ira mga ATM
Ginkadto naman nira an buhatan han DSWD agud nga klarohon kun kay anu nga waray pa sulod an ira mga ATM pero ginyaknan la daw hira nga maghulat hulat la ngan waray may iginhatag nga eksakto nga petsa kun sano.
Sumala ha usa nga tagreklamo nga waray na magpangaran, nga nasusubo hira tungod nga pira na ka adlaw hira nga nagbibinalik balik ha Landbank ngan kadam-an ha ira in minartimot la an mga kwarta makapasahe la pakadi ha Tacloban.
Ginhahangyo naman nira nga kun para daw ha ira an mao nga hinabang in ighatag ini ha ira nga diri ginpapakurian pa tungod daw nga mauplot nala an mga masunod pa nga kalamidad pero hasta ha pagkayana in waray la gihap hira nakakarawat nga hinabang.
