TACLOBAN CITY – Ginsalawad han Tacloban City Bureau of Fire Protection an “Grounds for Arson Case” hiunong han mga narereport nga mga indibidwal nga nagpruprubar nga magsunog o kun nagsusunog hin mga properyedad.
Sumala kan BFP Intelligence & Investigation Unit Chief, SFO2 Alvin Anthony Duran, nga in kaso mayda nira masakpan ha ira mga imbestigasyon nga maraot an panuyuan han gintikangan han sunog in mapalusad hira hin kaso kontra ha suspetsado nga mga indibidwal.
Dugang hini nga bisan man aksidente an gintikangan han sunog pero makit-an nira ha imbestigasyon nga may-ada ini kapabayaan, in makokonsidera gihapon ini nga grounds for arson.
Sumala pa han opisyal nga mayda na nira napasakahan yana nga tuig hin kaso nga arson ngan duha naman dida han nakalabay nga tuig 2024.
Samtang, nanawagan naman an buhatan han Tacloban City Bureau of Fire Protection ha mga molupyo han Tacloban nga himuon an kada adlaw nga “Fire Prevention Day” agud malikyan iton mga sunog.
(Via Bombo Nina Magpili)
