TACLOBAN CITY – Gintikangan na han grupo han mga kabataan ha Sinirangan Bisayas an pagsurat ha mga tinaglawas ha rehiyon ha kongreso nga diri abuyunon an pagpahamubo an age of criminal liability tikang ha 15 anyos kutob ha 9 anyos.
Ini an ginpahayag ni Leo Lauzon, an tinaglawas han mga kabataan ha Regional Development Council o RDC ha rehiyon.
Sumala kan Lauzon nagtuto hira nga an pagpaubos han age of criminal liability tikang ha 15 anyos tikadto ha 9 anyos in diri sakto.
Sumala pa kan Lauzon mayada na mga gropo hin kabataan nga aadto ha senado ngan kongreso para balbagan an iginduduso hin pira nga magbaralaud nga pauboson iton age of criminal liability.
Ha luyo nga aadto ha senado ngan kongreso nakadepende iton kagagawsan han iginduduso nga pagpaubos han age of criminal liability, mas papakurokusgon naman han mga gropo han kabataan ha sinirangan bisayas an pahibaruan iton publiko hiton magiging epekto oras tugotan nga maging balaud an pagpaubos han age of criminal liability.
