TACLOBAN CITY – Nagdumara hin ‘greyhound’ operation o inspeksyon ha sulod han mga presohan an Bureau of Jail Management and Penology Regional Office VIII ha Tacloban City Jail, kakulop nga adlaw, Mayo 6.
Sumala kan Bureau of Jail Management and Penology Regional Office VIII Assistant Regional Director for Operations, JSSupt. Rill Sonon, nagtikang an operasyon an operasyon alas-5, kun diin nagtitirok an mga operatiba ha BJMP Regional Office ha Palo ngan nagpadayon na ha Tacloban City Jail.
Subay ha mandato han proseso, ugsa sumulod ha mga selda an mga ine in ginkapkapan ngan gin inspeksyon anay an mga ine han mga organic personnel han Tacloban City Jail, ngan nagpadayon na ha operasyon.
Ha gindumara nga operasyon han mga operatiba, nakuha an pira nga mga kontrabando ha sulod han selda, amu an: unom ka-sachet han gin aalegar nga shabu, lima nga improvised tooter, 20 nga aluminum foil strips, unom nga improvised nga lampara, ngan usa nga logbook.
Pira gihapon nga mga cellphones ngan bladed weapons an nakuha ha sulod han mga selda, kun diin ginkokonsidera ine nga nuisance contrabands ngan magigin kaparte han kaso nga administratibo nga igpapasaka ha mga tag-iya hine ngan subay ha magigin resulta han pagdudumaraon nga imbestigasyon han Bureau of Jail Management and Penology Regional Office VIII.
