TACLOBAN CITY – Madadayon na yana nga tuig ha pinakasyahan nga higayon tikang han pagbutho han pandemya an pagdumara han Grand Santa Cruzan ha syudad han Tacloban.
Sumala kan Bardot Atillo, head han Tacloban City Tourism Office, tungod nga nakapailarom nala ha alert level 1 an syudad ngan tungod han padayon nga paghabubo han COVID-19 cases ha syudad, utro na nga pagdudumaraon an mao nga prosisyon han Grand Santa Cruzan pero mayda mga aludayday la gihapon nga kinahanglan sundon.
Ha ira naging kasarabutan, limitad la ha napulo nga mga barangay an pwede nga bumulig ha Grand Santacruzan 2022 ngan 30 la an partisipante ha kada barangay nga gintutugot.
Limitado la gihapon ha mga nag-eedad 5 years old above an pwede nga bumulig hini agud nga masiguro nga mga fully vaccinated na an mga partisipante.
Labot la ha Grand Prize para ha Best Barangay, in may cash prizes gihapon para han Best Reyna Elena ngan iba pa nga mga special awards.
