TACLOBAN CITY – Nakakuha hin magkadurdilain nga scholarship tikang ha Estados Unidos an usa nga Grade 12 yolanda survivor tikang ha Abuyog, Leyte mahuman ini nga manguna ha gindumara nga international science competition.
Subay ha 18 anyos nga hi Hillary Diane Andales, nga tikang ha walo nga scholarship tikang ha magkadurudilain nga unibersidad ngan Kolehiyo tikang ha Estados Unidos in napili niya nga mageskwela ha Massachusetts Institute of Technology (MIT).
Nakatalaan naman an klase hini yana nga maabot nga Augusto.
Mababaruan nga an simple nga pag isplikar ha Theory of Relativity ni Albert Einstein an naghatag hin iwag para kan Andales nga makakuha hin scholarship mahuman ini kilal-on nga 2017 Breakthrough Junior Challenge
han mapirdi niya an maabot ha 11 mil nga mga entries tikang ha 178 nga mga nasud nga umapi.
Gusto naman hini nga magin astrophysicist.
Labot ha Scholarship in gin uli liwat han mao nga Grade 12 student tikang ha Leyte an maabot ha 20 Milyon pesos nga papremyo tikang han mao nga kompetisyon.
