TACLOBAN CITY – Umabot ha 782 Job seekers an nakapag register dida han nakalabay nga Government Job Fair han Civil Service Commission Region 8.
Ada naman ha 150 plantilla nga posisyon ngan 125 non-plantilla posisyon an mga abelable nga pwede aplayan han mga job seekers.
Ha igin dumara nga Government Job Fair, gin partisiparan ini han 22 government agencies sugad han Department of Agriculture, BIR o Bureau of Internal Revenue, DepEd ngan damo pa nga mga ahesnya.
An plantilla in permanente nga posisyon ha gobyerno, samtang an non-plantilla in casual, contractual, job order nga ginmamanduhan han Civil Service Commission para ha temporaryo nga apointments.
Sumala kan Regional Director IV, Atty. Mariliyn E. Taldo – Civil Service Commission, Region VIII, maabot ha 14 job seekers an na hired on the spot han Eastern Visayas State University ha ilarom han contract of service.
Mababaruan nga kaparte an Government Job Fair ha ika-125th Philippine Civil Service Anniversary.
Nagpapasalamat naman hi Taldo han mga nag partisipar han nasabi nga Government Job Fair. (via Bombo Jake Paguipo)
