-- Advertisements --
NATIONAL – Ginklaro ni Philippine Amusement and Gaming Corporation (Pagcor) Chairman ngan CEO Alejandro Tengco nga waray plano an gobyerno nga buhion an mga operasyon han e-sabong.
Waray daw marching orders hi Presidente Ferdinand Marcos Jr. para igbalik an online sabong kun diin sigurado daw nga waray gihapon ha huna-huna han presidente.
Manunumduman nga dida han nakalabay nga Mayo 2022 in ginmando ni anay Presidente Rodrigo Duterte an suspensyon han online cockfighting operations.
Nag-isyu na gihapon hi Presidente Marcos hin Executive Order No. 9 dida han Disyembre 2022 nga nagmamando ha padayon nga suspensyon han mga operasyon han e-sabong ha bug-os nga nasud.
