TACLOBAN CITY — Nagpagawas an national nga panggobyernuhan hin PHP52 million ha nakalabay nga
pito katuig para mas mapaupay an kapabilidad han mga local government units (LGU) ha Sinirangan
Bisayas may kalabutan ha pagsunod han Ecological Solid Waste Management Act.
Sumala kan Environmental Management Bureau (EMB) regional coordinator for the solid waste
management program, Maribel Munsayac nga an financial assistance in guinpanhatag na ha mga syudad
ngan ha mga municipalidad han rehiyon kun diin an mga opisyal in may hul-os nga pagtuo ha pagsunod ha
mga balaod han kalibungan.
Maabot ha PHP26 million an guin gawas dida han tuig 2012 para ha pag stablisar han materials recovery
facility (MRF) han tulo nga mga syudad ngan 58 nga mga municipalidad ha unom nga probinsya han
rehiyon.
Mababaruan nga ha sulod han PHP52 million, PHP20.29 million hini an guinhatag ha unom nga local nga
panggobyernuhan para ha pagpasarado han open dumpsites. Lakip ha mga ini an Tacloban City; Palo,
Leyte; Lavezares, Northern Samar; Laoang, Northern Samar; Abuyog, Leyte ngan Motiong, Samar.
Kaudgan han mga pondo in guinpagawas dida han nakalabay nga duha katuig.
