NATIONAL– Ginpahayag han Palasyo Malacañang nga abre an gobyerno ha pagamit han United Nations Convention Against Corruption (UNCAC) agud nga makabulig nga matudlok ngan ma-aresto na an anay Ako-Bicol Party-list Representative Elizaldy Co.
Ine in labot la ha pag-aro hin Red Notice tikang ha International Criminal Police Organization (Interpol).
Sumala kan Palace Press Officer Claire Castro, an UNCAC in may mekanismo para ha international cooperation ngan mutual legal assistance, pero waray pa pormal nga koordinasyon an Department of Justice kasumpay hine.
Dugang pa hine, ginpasa na han DILG an nasabi nga himangrawon ha Commission on Transnational Crime, nagn subay kan Interior Secretary Jonvic Remulla, kalakip ine ha mga opsyon nga ginpapag-adman.
Manunumduman, han nakalabay nga Nobyembre, gin-anunsyo ni Pangulong Ferdinand Marcos Jr. nga may warrant of arrest kontra kan Co ngan 15 nga iba pa kasumpay ha P289.5-milyon substandard flood control project ha Oriental Mindoro.
