NATIONAL–Gindiwara nira Senador Christopher “Bong” Go ngan anay Justice Secretary Vitaliano Aguirre II nga nahilakip an ira mga ngaran ha dokumento nga ginpagawas han international Criminal Court (ICC) kumo gin-aalegar nga co-perpetrators ni anay Pangulogn Rodrigo Duterte ha kaso nga crimes against humanity kanit hiton war on drugs.
Ha ginpagwas nga pahayag ni Sen. Go, gintawagan niya an mga akusasyon nga waray basehan, one-sided, ngan dire nagpapakita hiton iya tinuod nga obligasyon kumo Special Assistant to the President tikang 2016 kutob 2018, ngan Executive Assistant han Alkalde han Davao tikang han 1998 kutob 2016.
Gintagan hin duon han senador nga waray hiya ano man nga partisipasyon, hibaro, otoridad ha mga nasabi nga pagtalapas, ngan gindiwara gihapon niya nga nagin Chief of the Presidential Management Staff hiya.
Gindiwara gihapon ni anay Justice Secretary Aguirre an ano man nga partisipasyon ha gin-aalegar nga extra judicial killings kasumpay ha kampanya kontra hga iligal nga droga han anay Pangulo kun diin ginkalro niya nga waray niya ginsuportahan ngan waray hiya kalabutan ha nasabi nga pamatay.
Dugang pa hine nga nahibaruan niya han nakalabay nga Setyembre 2025 nga upod an iya ngaran ha Document Containing Charges nga ginpasaka han prosekusyon han ika 13 han Pebrero pero waray daw hiya dapat igkahadlok ngan andam hiya nga umatubang ha ano man nga kaso.
Ginmalatumat hine nga ginbuhat la niya an iya obligasyon kumo Justice Secretary tikang 2016 kutob 2018.
