NATIONAL – Sumaka na ha haros katunga bilyon piso an nahipatik nga danyos ha sektor han agrikultura ngan imprastraktura mahitungod ha naglabay nga bagyong Crising ngan nagpapadayon nga habagat.
Subay nga ginpagawas ng datos han National Disaster Risk Reduction and Management Council, umabot na ine ha sobra P467-M.
Tikang ha nasabi nga ihap, maabot ha P423 milyon an nahipatik nga danyos ha imprastraktura tikang ha Ilocos Region, Western Visayas, ngan MIMAROPA.
Nagbilin gihapon hin sobra P54 milyon nga kantidad hin danyos an maraot nga panahon ha sektor han agrikultura tikang ha lima nga rehiyon ha nasud.
Ine in ginkakalakipan han high value crops, fisheries, livestock ngan poultry tikang ha parte han Ilocos Region, Cagayan Valley, Central Luzon, MIMAROPA, ngan Negros Island Region.
