NATIONAL NEWS- Ginbabana-bana nga maabot ha 25 overseas Filipino workers (OFW) an presente nga ada ha death row, subay ine ha Department of Migrant Workers Secretary Hans Leo Cacdac.
Ine an ginkompirma ni Cacdac ha panginano han balaodnon nga pondo han Department of Migrant Workers ngan attached agencies para han 2026.
Sumala kan Cacdac, humamubo an ihap han mga OFW ha death row, labi na ha Malaysia, mahuman igpatuman han nasabi nga nasud an haluag nga polisiya kasumpay ha commutation han sentensiya.
Dugang pa han kalihim, padayon an ginhihimo nga nga pakikigbinuligay han ahensya ha Department of Foreign Affairs (DFA), Office of the President, ngan iba pa nga buhatan, agud nga malikayan an mga pagbita ngan mabalyuan hin mas magaan nga sirot han mga Pilipino nga ada ha death row.
Ginkalipay naman ni Senate Committee on Finance Chairman Senador Sherwin Gatchalian an nasabi nga paghamubo hiton ihap ngan gin-abisuhan an DMW nga igpadayon an paghahatag hin legal assistance ha mga OFW nga dabi ha mga kaso ha iba nga nasud.
