TACLOBAN CITY – Nakakarawat hin report an buhatan han Philippine Drug Enforcement Agency Region 8, may paghisumpay hiton mga nagpapakilala nga mga PDEA personnels nga daw ginkokotungan iton mga pamilya nga dabi han mga anti-drug operations.
Sumala kan Rogelette Urgel, Information Officer han PDEA Regional Office VIII, nga waray may kamatuoran nga mayda hira mga tinaglawas nga nagpapakilala nga maghahatag hin patapod ha pamilya han mga suspetsado hiton illegal nga droga nga makakagawas an mga ine ha kaso nga ginpasaka ha mga suspetsado kabalyo hiton pira nga kantidad.
Ginklaro naman ni Urgel, nga waray sugad nga pamaagi an ira buhatan nga magpapagawas hiton mga suspek kabalyo hiton salapi ngan dire maagi ha kaangayan nga proseso.
Hapagkayana padayon nga giniimbestigaran han PDEA-8, kun hin-o iton nagpapaluyo hine nga modus ngan maatubang naman an mga ine hin kaangayan nga sirot.
