Pakyas an Gilas Pilipinas nga madaog an ira mulay kontra New Zealand ha third window han 2027 FIBA Basketball World Cup Qualifiers nga ginganap ha Spark Arena, Auckland dida han Biyernes, Hulyo 3, oras ha Pilipinas.
Umabot ha double overtime an mulay mahuman maitabla an iskor ha 93-93 ha siyahan nga overtime. Ha kaurhian, in nagdaog an New Zealand ha iskor nga 106-102.
Ginlanat han New Zealand an 1-point lead han Pilipinas ha ikatulo nga quarter in gintabla an score ha 83 ha paghuhuman han ika-upat nga quarter. Ha siyahan nga overtime magkadukot an mulay nga nagresulta ha 93-all.
Pagsulod han second overtime, nakalamang an New Zealand ha siyahan nga duha ka-minutos nga madagmit hini ginlanat an Gilas ngan nakaposte hin 97-96.
Ha urhi nga parte han mulay, waray na makabawi an Gilas mahitungod ha sunod-sunod nga foul calls ngan usa nga inbound mistake, rason agud dayon makuha han New Zealand an daog.
