ALBUERA, LEYTE – Napugngan mga kapulisan han Albuera Municipal Police Station an plano nga pagpapakamatay han usa nga German national nga nakapaslak ha ira presohan.
Ginkilala ine kan alyas Patrick, 39-anyos pangidaron, ngan residente han Brgy. Poblacion, Albuera, Leyte.
Sumala kan Albuera Municipal Police Station Assistant Investigator, Patrolman Stephen Adrales, nadiskubrehan an biktima nga namumusag na ha sulod han CR mahitungod han kadamo na han dugo nga nawara.
Subay han imbestigasyon, nakabaho hin madugo-dugo an usa nga PDL nga nakapaslak ha kasapit nga selda tikang han kinamumutangan ni alyas Patrick kun diin dayun naman ine nga ginsumat han PDL ngadto han duty nga pulis.
Ginpanginano naman ine dayun kun diin didto nahikit-an hi alyas Patrick nga waray na malay.
Dayun gihapon nga nagtawag hin rescue an duty nga pulis ngan gindara ha hospital ine nga German national.
Ha pagkayana in nasalinan naman na ine hin dugo ngan talwas na ha kadelikaduhan.
Samtang nahibaruan gihapon nga tikang ha buong nga tiles an gingamit hine pagsamad han iya kalugaringon.
Napaslak naman ine ha presohan dida han Marso 15 mahitungod han kaso hine nga Reckless Imprudence Resulting to Damage to Property.
