TACLOBAN CITY– Ginpahibaro han Department of Information Communication (DICT) Region 8, nga nagpapadayon an ira Free Wifi for All Program ha bug-os nga Sinirangan Bisayas.
Sumala kan DICT Region 8, OIC Technical Operation Division, Engr. Dante Rosales, nagpapadayon an nasabi nga programa, ngan subay ha ira datos nga ginpagawas han nakalabay la nga Nobyembre, ada na ine ha 1,048 active Free Wifi sites.
An nasabi nga ihap in ginbabatag-batag ha magkalain-lain nga lugar sugad hiton Leyte nga maabot 245 sites, Samar Province -110 sites, Eastern Samar- 123 sites, Northern Samar, 456 sites, Southern Leyte 42 sites, ngan Biliran 72 sites.
Ginkakalipay naman ine han ira buhatan, matungod nga nagin malinampuson an nasabi nga programa, kun diin dako an naibubulig hine ha komunidad, partikular na ha mga estudyante ha tay-aw nga lugar.
