ODD – Nagbakasyon ha Peru hi Rochelle Harris, 27, kaupod an iya asawa. Naging malipayon an ira pagbabakasyom ha nasabi nga nasud.
Pero han bumalik hira ha England, nakaabat hin kakaiba ha iya talinga hi Rochelle. May nababatian hiya nga baga-baga hin mayda nagkakahig ha sakob han iya talinga. Kasunod hini an grabe nga pagsinakit han ulo ngan pagturo hin likido tikang ha iya talinga.
Nagdesisyon hi Rochelle nga kumunsulta ha doctor.
Kahuna han doctor nga usa nga ordinaryo nga ear infection an problema ni Rochelle. Pero nadiskubre nga an nakada ha sulod han talinga ni Rochelle in mga flesh eating maggots o mga ulod nga hinay-hinay nakaon hin unod. Nakit an han doctor nha nakahimo na hin buho ha ear canal an maggots. Nakada naman ha walo an maggots nga nakit-an ha talinga ni Rochelle. Waray naman damage ha eardrum, blood vessels ngan facial nerves ni Rochelle.
Iginpailarom ha operasyon hi Rochelle tubtob nga matanggal an walo nga maggots ngan mga bonay hini.
An maggots in larvae hin langaw nga gintatawag nga New World Screwworm Fly.
Nagbobonay an langaw ha samad han mammals ngan tawo. An babaye nga langaw in nagbobonay hin 250 ngan napupusa ha sakob hiton 24 oras.
Subay kan Rochelle, dida han nakadto pa hira ha Peru, in umagi hira ha lugar nga damo an langaw.
