INTERNATIONAL – Tinikangan hiton Hulyo 1, 2026, an estado han Idaho in magigin siyahan ha Estados Unidos nga maghihimo han firing squad komo panguna nga pamaagi ha pagpatuman han death penalty liwan ha lethal injection.
Ha bag-o nga patakaran han Idaho Department of Correction, an execution team in bubug-oson hin tulo nga boluntaryo nga shooters, duha nga alternates, ngan usa nga team leader.
An mga boluntaryo kinahanglan POST-certified law enforcement officers nga may diri maminos hin tulo ka tuig nga serbisyo, waray bag-o nga disciplinary record may kalabotan ha paggamit hin armas o excessive force, ngan kinahanglan makapasar ha marksmanship qualification.
Sumala ha mga opisyal, gintuyo ini nga firing squad an gamiton tungod han kakulangan han mga kemikal nga ginagamit ha lethal injection.
Naghatag naman ini hin magkadurudilain nga reaksyon tikang ha mga nasusuporta ngan ha mga nakontra ha paggamit han capital punishment ha Estados Unidos.
