-- Advertisements --
SPORTS–Nahuman ha ika 54 nga pwesto hi Filipino Olympian ngan alpine skier Francis Ceccarelli ha men’s giant slalom event ha 2026 Winter Olympics.
Ha iya syahan nga run, in nakatala hi Ceccarelli hin oras nga 1:27.36 agud nga maka ranggo ha ika 57, ngan sumunod naman an 1:20/87 ha ikaduha nga run, nga nagdurot ha iya pagka ika-53 ha mao nga run.
Ha kabug-osan, an iya combined time in 2:48.23.
Nakuha naman ni Lucas Pinheiro Braathen han Brazil an gold medal nga nagtala hin total time nga 2:25.00; samtang, sumunod hi Marco Odermatt han Sweden ha 2:25.88, samtang nakuha ni kapwa Swiss Loic Meillard an bronze ha 2:26.17.
Makikigbisog naman hi Ceccarelli ha slalom event ha tiarabot nga Lunes.
