NATIONAL–Usa nga Filipina Caregiver an nawarayan hin kinabuhi ha Israel samtang ginbubuligan an iya alaga nga maka-ibakwit ha bomb shelter, sumala ka kumpirmasyon ni Pangulong Ferdinand Marcos Jr., yana nga gab-i, ika 1 han Marso.
Ha usa nga video message ha iya social media account, ginmalatumat han Pangulo nga an biktima in ginkikilala nga hi Mary Ann Velasquez De Vera, taga Pangasinan, in namatay mahuman nga natamaan hin shrapnel tikang han usa nga Iranian drone.
Labot la kan Mary Ann, waray gihapon natalwas an inya employer tikang han airstrike.
Dugang pan han Pangulo, an biktima in ginkumpirma han iya asawa, nga usa gihapon nga Overseas Filipino Worker (OFW) ha Israel.
Ginsaad naman han gobyerno nga ighahatag an ngatanan nga kinahanglan ga bulig ha pamilya han caregiver.
Para naman ha dagmit nga bulig, pwede makipag-smpayan ha Pilipino sa Overseas Workers Welfare Administration (OWWA) sa numerong (+632) 1348 (international), 1348 (Metro Manila), at (02) 1348 (regional/mobile).
Mababaruan nga an insidente in kasunod han joint military operations han US ngan Israel kontra ha Iran han Sabado, nga nagpaduroy ha tensyon ha rehiyon.
Sumala naman ha militar han Israel, naglunsar hin missle strikes an Iran kumo tugon ha ira mga operasyon.
