Aprubado na han Land Transportation Franchising and Regulatory Board (LTFRB) an pagpapatuman han umento ha pasamahe ha mga pampubliko nga transportasyon partikular na ha jeep ngan bus mahitungod ha susrunod nga big time oil price hike.
Sumala ha LTFRB, sigurado na an pagpapatuman han umenrto ha pasahe pero nagpapailarom pa ha justification han Department of Transportation (DOTr) kun pira an igpapatuman nga fare hike.
Labot pa hini, gin malatumat gihapon han LTFRB nga sakop han fare hike an ngatanan han nagsalawad hin petisyon para hini, pero dire la anay ig uupod ha pag-aanunsyo an mga taxi ngan UV Express mahuman nga magpasa han ira petisyon di pala maiha.
Pag-eksplikar han ahensya, kinahanglan pa hini umagi ngan igsalang ha mga hearinng ngan nationwide consultation program ugsa ini maaprubahan.
Samtang, nakatalaan naman ig anunsyo ha Martes, Maros 17 kun pira an ig uumento ha pamasahe ha mga pampubliko nga transportasyon.
