-- Advertisements --
NATIONAL – Igin pahayag ni Solicitor General Menardo Guevarra nga sadang na an executive order agud igpatuman an pag-baban ha operasyon han tanan nga Philippine Offshore Gaming Operators (POGO) ha nasod.
Ha ilarom han balaod, an tanan nga gaming operations in aada ha ilarom han hurisdiksyon han Philippine Amusement and Gaming Corporation, nga direkta nga nagrereport ha opisina han presidente.
Samtang, nagsaad naman an mga magbaralaod tikang ha Senado ngan House of Representatives nga padayon an igin dudumara nga hearing han komite kabahin han mga problema nga durot han mga POGO, labi na an may kalabotan ha mga sindikato nga Tsino.
