NATIONAL NEWS- Dayon na nga nagbul-iw ha pwesto hi Atty. Herbert Matienzo kumo executive director han Philippine Contractors Accreditation Board (PCAB).
Sumala kan Department of Trade and Industry (DTI) Secretary Cristina Roque, ginkarawat niya an pagbubul-iw ni Matienzo, matungod han personal nga rason.
An nasabi nga pagbul-iw in kasunod han mga kontrobersiya nga ginkaka-atubang hiton PCAB kasumpay ha mga iregularidad ha contractor accreditation ngan flood control projects.
Han nakalabay, ginpailarom ni Roque ha direkta nga superbisyon an PCAB ngan iba pa nga board han Construction Industry Authority of the Philippines (CIAP) agud nga maibistigaran an mga alegasyon han conflict of interest ngan abuso ha katungod.
Ugsa an nasabi nga pagbul-iw, nahireport nga ginbawi han PCAB an lisensya han siyam nga construction firms nga konektado ha negosyante nga hi Sarah Discaya, nga adbi ha mga maanomalya nga flood control projects.
