NATIONAL – Gin amin ni anay Presidential Communications Office (PCO) Secretary Trixie Cruz-Angeles nga an gobyerno han China an gumastos ha mga vlogger ngan social media influencer nga kadam-an in pro-Duterte nga umatender ha usa nga seminar ha China.
Ginbuhat ni Angeles an pag-amin ha pagdungog han Kamara kasumpay ha fake news ngan online disinformation.
Ha pagdungog, ginpakianahan ni eputy Speaker David Suarez hi Cruz-Angeles kabahin ha National Radio and Television Administration (NRTA) han China ngan an papel hine ha paghag-id han mga brodkaster tikang ha magkaduru-dilain nga nasud.
Igin pakita ni Suarez an usa nga litrato han mga umatender han NRTA seminar, kun diin kaupod hi Cruz-Angeles ngan iba pa nga vloggers nga pro-Duterte.
Ipinakita ni Suarez ang isang larawan ng mga dumalo sa NRTA seminar, kung saan kasama si Cruz-Angeles at iba pang vloggers na pro-Duterte.
Gin ngaranan hine an pira ha mga kaupod hine nga umatender ha seminar nga gindumara tikang Mayo 23 kutob Hunyo 5, 2025 ha China.
Ha pakianhan kun hin-o an nagpondo han biyahe, gin amin ni Cruz-Angeles nga an seminar in sponsored, kun diin ginbaton han gobyerno han China an pamasahe, urukyan, ngan gastos ha seminar.
Ginbuyagyag gihapon han anay PCO chief nga nagtikang mismo ha Chinese Embassy an imbitasyon, nga regular daw nga napili han nga maatender para ha sugad nga mga programa.
