SPORTS NEWS– Tumalikod na hi anay Los Angeles Lakers star Elden Campbell ha edad nga 57-anyos.
Ginkompirma ine han iya pamilya, pero waray na maghatag pa hin kadugangan nga detalyi kasumpay han nagin rason han pagkamatay han basketbolista.
Mababaruan nga an 6’11” center in nagmulay ha Lakers ha sulod hiton 15 katuig.
Manunumduman syahan nga na draft hiya han Lakers ha first round hadton 1990 kun diin nakaupod niya ha koponan hira Kobe Bryant ngan Shaquille O’Neal.
Nagkamayda naman ine hin average nga 15 points per game ha 1996-1997 season.
Tuig 1999, na trade ine ha Charlotte Hornets kun diin nakaghipatik gihapon ine hin higtaas nga puntos.
Nagdaog ine hin championship han nakada pa hiya ha Detroit Pistons han tuig 2004 ngan han pirdihon nira an Lakers ha NBA Finals.
Nakapagmulay gihapon hi Campbell ha New Jersey Nets, Seattle SuperSonics ngan New Orleans Hornets.
