TACLOBAN CITY – Ginpatapod han pamunuan han Eastern Visayas Regional Medical Center (EVRMC) nga talwas an ira ospital para ha mga non-covid patients ha kaluyo nga ini an referral hospital para ha mga pasyente nga nagpopositibo ha COVID-19.
Sumala kan Dr. Salvador Evardone, Chief of Hospital han EVRMC, waray sadang nga igkabaraka an publiko tungod nga isolated an mga COVID-19 patients ha ira ospital ngan dire igintatampo ha mga non-covid patients.
Mahugot gihapon nga nasusunod an mga ginpapatuman nga health protocols ha mao nga ospital.
Dugang pa hini nga an mga nurses nga nag-aatiman ha mga COVID-19 patients in lain la ha mga nurses ngan personnel nga nag-aakomodar liwat ha mga non-covid nga mga pasyente.
San-o gihapon nga pagawson o mag-off hin 14 diyas an mga nurses ngan medical workers ha ira ospital nga nag-aatiman han mga COVID-19 patients in ginsisiguro anay nga magnegatibo an mga ini ha PCR test.
