TACLOBAN CITY – Ginpanhimuwa han pamunuan han Eastern Visayas Regional Medical Center (EVRMC) an report nga daw may sobra 20 na mga doktor nga gintanggal ha ira ospital.
Sumala kan Dr. Salvador Evardone, chief of hospital han EVRMC, waray hira gintanggal nga mga doktor ha ira ospital ngan ha kamatuoran in hiring hira ha pagkayana hin 12 nga mga medical specialist 2 para ha ira COVID-19 ward ha Magsaysay.
Dugang pa hini nga kun mayda man gumawas ha ira ospital amo an 10 nga mga doktor nga nakahuman na han ira mga training ngan deployment sanglit kinahanglan liwat han mga ini nga pumakadto ha mga district o provincial hospital.
Ini in nasusubay ha ira panuyuan nga kada kahuhuman han graduation o training han usa nga doktor ha ira ospital in kinahanglan liwat nga magserbisyo han mga ini ha mga ospital ha distrito ngan probinsya.
