TACLOBAN CITY– Malipayon nga ginpahibaro han DEPED Regional Office Vlll, nga nagpapadayon an gindudumara nga mga paisan-isan ha Dolores Eastern Samar.
Sumala kan Jasmin Francisco Calzita, Information Officer DEPED Regional office Vlll, may pipira nga mga paisan-isan nga naghuman na, samtang an iba naman in nagpapadayon.
Ha pagkayana, tentative result pala an ira kapot kun diin nangunguna ha medal tally an Ormoc City nga mayda 2 gold medal, Calbayog ngan Northren Samar nga mayda tag-usa nga silver medal, samtang an Leyte ngan Samar naman in mayda tag-usa nga bronze medal.
Dugang pa ni Calzita, nagpapadayon pa an mga mulay, sanglit nga dire pa hira makakag-hatag hin insakto nga resulta.
Ginpatapod naman han nasabi nga opisyal, nga ada ha maupay nga kabutang an mga billeting areas han mga atleta ha kaluyo nga malain an panahon.
Ginmalatumat gihapon hine, nga 24/7 nga nakabantay an mga kapulisan agud nga masigurado an seguridad han nasabi nga paisan-isan.
