TACLOBAN CITY: Waray na kinabuhi an usa nga estudyante, mahuman maghikog ha ira panimalay.
Sumala kan Loretta Mondragon Bretenia, Lola han biktima, nga nagsarit ine nga mapakadto ha iya Nanay matungod nga dire na gihapon ine magpapadayon pag-eskwela.
Subay ha salaysay han Lola hiton bata, ginsisinangpit niya an iya apo agud nga kumaon hiton paningudto, pero waray ine babaton ha iya lola.
Ha mao nga panhitabo, naghuna-huna an iya lola nga kumaturog la ine matungod ha kada nauli an iya apo in napahuway ine.
Han ka-kurolpon na, utro hine nga ginsangpit an bata, ngan waray la gihapon may nabaton ha iya, didto napagdisiyunan han iya lola nga panginanuon na an sulod han ira panimalay.
Waray naman magdadahom an lola hiton bata, nga an iya makikit-an in waray na kinabuhi nga iya apo.
Dayon hine nga ginpaguba an purtahan han ira panimalay, agud nga hubaron an patay nga lawas tikang ha pagkakabitay hine ha sulod han ira kwarto.
Naghatag naman hin suhestyon an lola han bata, ha tanan nga mga kag-anak nga panginanuon an sitwasyon han ira mga anak, matungod nga iba na yana nga panahon, an dalagan han panhuna-huna hiton kabataan.
