NATIONAL – Igin buyagyag ni PLt. Col. Jovie Espenido nga mayda qouta ngan reward system ha Philippine National Police ha ilarom han war on drugs han administrasyon Duterte.
Ha affidavit ngan ginpasa ni Espenido ha House Quad Committee ngan ha pag-atubang hine ha pagdungog kakulop, ginkumpirma hine nga nagbutang an liderato hin quota nga 50 ngada ha 100 nga indibidwal nga ha ira paghuna in matuktok la ha mga panimalay han mga gin-aalegar nagamit o nagduduso han ilegal nga droga.
Gin karuyag daw ni Espenido nga igpatuman an war on drugs hin waray namamatay ngan an misyon in sumurender an drug suspects ngan igpapailarom ha rehabilitasyon sanglit waray daw nahipatik ha ilarom han iya pagmamangulo ha Albuera ngan Bacolod.
Ginbuyagyag gihapon hine nga an pbuya in ada ha P20,000 ha kada mapapatay nga indibidwal ha drug war ngan an pondo in tikang ha Small-Town Lottery o jueteng lords nga naghahatag hin kwarta ha police regional commanders ngan provincial commanders.
Dugang pa hine, hi anay PNP Chief Ronald “Bato” Dela Rosa an nagpatawag ha iya pag igtudlok hiya ha Ozamiz City kumo hepe mahitungod ha iya pagigin maisog.
An mando daw ni Dela Rosa in bungkagon an mga sindikato han ilegal nga droga kaupod na an Parojinog group kun diin ginamit hine an mga pulong nga “neutralize” ngan “eliminate” ha bisan anu nga paagi o by all means.
Direkta daw gihapon hiya nga nagre-report kan General Bato ngan mismo kan anay Presidente Rodrigo Duterte.
