Ginamin ni Senador Erwin Tulfo nga ginsupotaran niya hadto an kampanya kontra ilegalnga droga han administrasyon ni anay Pres. Rodrigo Duterte, pero ginmalatumat niya nga nagbag-o an iya opinyon mahitungod ha mga kaso han extrajudicial killings nga ginsusumpay ha nasabi nga kampanya.
Ginbuhat ni Tulfo an pahayag samtang nagpapadayon an tensyon ha Senado kasunod han dire pag-atender han mga senador tikang ha majority bloc ha plenary session dida han Hunyo 2, nga nagresulta ha kawartay hin quorum ngan pagkansela han sesyon ha ikaduha nga magkasunod nga adlaw.
Ha nasabi nga interbyew, ginsukna ni Tulfo hi Sen. Alan Peter Cayetano ngan nanawagan nga magbul-iw ini ha pwesto mahitungod ha krisis ha pagmamangulo ha Senado.
Duon han senador nga presente nga problema ha Senado in an pamamalakad ha sulod han kapulungan.
Samtang an pahayag naman han senador in kasunod han mga panawagan nga igpadayon an mga imbestigasyon kasunod han war on drugs ngan iba pa nga isyu nga ginkakaatubang han Pilipinas.
