TACLOBAN CITY-Arestado an usa nga suspek mahuman an gindumara nga entrapment operation han Naval Municipal Police Station ha Brgy. P.I. Garcia, Naval, Biliran.
Sumala kan Naval Municipal Police Station, Chief of Police, PMAJ. Sherwin Amando Machete, una hine nag report ha ira buhatan hi alyas Lyn, kasumpay ha pagkawara han iya cellphone nga nagkakahalaga hin P74,000.00 han nakalabay nga Oktubre 5, 2025.
Dugang pa han imbestigasyon, nga na-kontak han biktima an nakapurot han iya cellphone, kun diin nag-aaro ine hin ₱30,000.00
Dayon naman nga nagbug-os hin plano an mga kapulisan ngan nagdumara han entrapment operation, nga nagresulta ha pagkakadakop han suspek nga hi alyas Angel.
Ha pagkayana, gin-aandam na an kaso nga kakaatubangon han suspek an pagtalapas ha Article 309 (Theft) ng Revised Penal Code.
