NATIONAL–Ginaprubar han Kamara an House Bill No. 6676 o an ginduduso nga “Energy Storage Systems Act” han Miyerkules, ika 3 han Pebrero, ha ikatulo ngan pinal nga reading .
Nakakuha naman ini hin 192 nga affirmative votes, 3 ka negative votes, ngan 0 nga abstentions.
Tumong naman han HB 6676 an pagpapatuman hin national policy framework para han development, utilization, ngan commercialization han energy storage systems agud nga masuportahan an grid reliability, renewable energy (RE) integration, ngan power supply security ha grid-connected ngan off-grid areas.
Ginkarawat naman ine ni Committee on Energy Chairperson ngan Palawan Rep. Jose Alvarez kun diin ginmalatumat hine nga ginpapakita han pag-apurbar hine an pagkilala han mao nga chamber ha papel han storage technologies ha energy transition han nasud.
Ha ilarom han balaodnon, magseserbe an Department of Energy (DOE) kumo lead implementing agency, samtang an Energy Regulatory Commission (ERC) an maghihimo hin regulatory framework para han licensing, pagpresyo, ngan cost recovery hin mga energy storage facilities.
Dugang pa hine, naghahatag naman ine hin mga incentives para han mga integreated renewable energy plants nga mayada storage systems.
