NATIONAL NEWS– Mahitaas an baraydan han mga kunsumidor ha kuryente yana nga bulan han Hulyo.
Sumala han National Grid Corporation of Philippines o NGCP, ini in tungod han paghitaas han transmission ngan Ancillary Services o AS rates.
Gin-esplikar ni NGCP Spokesperson Kristopher Abellanosa, nga an average transmission rate para han June 2025 billing period in humitaas hin 5.49% tikang han nakalabay nga PhP1.1482 kada kilowatt-oras dida han Mayo, samtang ada naman ha PhP1.2113 kada kilowatt-oras dida han Hunyo.
An pag-umento in tungod han 9.32% nga pag-umento han AS rates, o an bayad para han kuryente nga gingagamit pagmintinar han karig-onan han power grid, labi na kun mayda kakulangan o sobra nga supply.
Ginklaro han opisyal nga diri hira nakakakwarta tikang ha AS charges nga direkta nga ginbabayad ha mga power supplier ngan ha electricity market operator ngan waray liwat nira kontrol ha presyo hini.
