Mahitungod ha padayon nga paghitaas han presyo han produkto nga petrolyo ha Pilipinas, nagtitikadamo na an mga Pilipino nga nagkaka-interes nga bumalhin ha paggamit han electric vehicles (EVs).
Sumaka kan Willy Tee Ten, presidente han Electric Vehicle Association of the Philippines, dako an potensyal han pagtitipid ha paggamit han kuryente kumpara ha gasolina.
Dugang pa hini, dako an deperensya ha gastos ha pagpapadalagan han sarakyan.
“An electric vehicle already saves you about 65%. If you spend 1,000 pesos a week on gasoline, you spend about 350 pesos in terms of electric bills… electricity,” dugang pa hini.
Gintagan-duon gihapon ni Ten nga samtang nagtitikahitaas an presyo han lana, mas nagigin praktikal an pagbalhin ha EV. Bisan man kun nagtitikahitaas gihapon an sukot han kuryente, dire sugad kalaksi an paghitaas han presyo han gasolina.
“If oil prices go up by maybe 50 to 100%, the electricity increase will probably be half of that… so that means the savings of 65% might go up to 70%. That would encourage customers or car owners to shift to electric vehicles,” pag-eksplikar ni Ten.
Sugadman, sumala kan Ten, nagpapabilin nga limitado an pag-ursa han mga EV ha nasud mahitungod ha kakulangan han mga charging station ngan mahinay nga pagpapatuman han mga patakaran han gobyerno para ha electric vehicles.
