NATIONAL NEWS– Ginkalipay han Malakanyang nga ada ha sakto nga direksiyon an ekonomiya han nasud, matungod nga nagpapabilin ine nga maribhong ngan positibo an dalagan ha ilarom han administrasyon ni Pangulong Ferdinand Marcos Jr.
Sumala kan Palace Press Officer USec. Claire Castro dako gihapon nga bulig an pagpapatuman han reporma nga pang-ekonomiya han administrasyon.
Ine in subay ha nagin report han economic team han Pangulo ha gindumara nga 7th Economy and Development Council Meeting ha Malacañang.
Ginkahambog naman ni Castro nga humamubo an unemployment rate tikang ha 10.3% hadton 2020 pakadto ha 4.7% hadton 2025, samtang an underemployment rate naman tikang ha 16.2% pakadto ha 13.6% han nakalabay nga tuig, panigamnan han padamo han mga disente nga trabaho para ha mga Pilipino.
Gintagan duon han Palace official nga ginpapakita han mga numero nga epektibo an mga programa han gobyerno ha paghimo han trabaho ngan pag-iban han kakurian.
Dugang pa hine, mahugot la gihapon an direktiba han Pangulo ha mga concerned government agencies nga batunon an flood control issues, climate change, ngan iba pa nga ayat , kadungan han mas sakto nga paggamit han pondo han nasud ngan mas pinakusog nga sumpayan pan-ekonomiya ha ASEAN.
