TACLOBAN CITY– Nagpapadayon nga naghihimo hin ngaran an mga atleta han Eastern Visayas ha Palarong Pambansa 2024.
Sumala kan Dr. Ronelo Al Fermo, Assistant Regional DEPED Regional Office Vlll, nga ha pagkayana maabot na ha 17 nga gold medal an nakuha han Eastern Visayas, ngan ginlalauman pa nga madudugangan ine ugsa nga maghuman an paisan-isan.
Dugang pa ni Al Fermo, ada ha ika rank-7 out of 19 nga partisipante an rehiyon 8.
Ginmalatumat naman hine, nga naghatag hira hin cash insentives ha mga nakakuha hin medalya, kun diin maabot ha P5K an nakakuha han gold, P4K ha silver, P3K naman para han bronze medal.
Ginpaangbit gihapon ni Dr. Ronelo, nga taga Tacloban nga atleta an nakakuha ha pagkayana hin 4 nga gold medal ha pantag han swimming, ngan ine in istudyante han STEFTI.
Mababruan, nga nagtikang an nasabi nga paisan-isan han nakalabay nga Hulyo 9, ngan nakatalaan naman ine nga maghuman buwas nga adlaw.
