TACLOBAN CITY – Gin-anunsyo han Department Education (DEPED) Regional Office 8 nga magtitikang na an early registration para ha school year 2022-2023 yana nga maabot nga Marso 25 kutob Abril 30 yana nga tuig.
Sumala kan Jasmin Francisco Calzita, tagapagyakan han DEPED Regional Office 8, an early registration para ha masunod nga school year in para ha mga entry level learners o an mga incoming kindergarten students, grade 1, grade ngan grade 11 nga mga estudyante ha mga pampubliko nga eskwelahan ha rehiyon ha elementarya ngan sekondarya.
Kinada tuig ini nga ginbubuhat han DEPED para ha kada school year tungod nga an datus nga makukuha han kada eskwelahan ha early registration in importante para ha pagplano ngan pangandaman han school opening.
Gin-aaghat naman han DEPED an mga pribado nga eskwelahan nga magdumara gihapon hin early registration.
An early registration para ha magkadirudilain nga learning modalities in pwede nga pagbuhaton hin face to face ha mga lugar nga mayda habubo nga Alert level status.
Ginklaro naman han DEPED nga an mga estudyante ha Grade 2-6, 8-10 ngan grade 12 in dire na kinahanglan nga magpa-early register tungod nga otomatiko na an mga ini nga pre-registered para ha masunod nga school year.
