-- Advertisements --
Magaandam na hi Alex Eala mahuman an iya bakasyon ha Pilipinas, para ha iya hardcourt swing ha US Open.
An 21-anyos nga Filipina pride in lumakat na ha nasud dida han Lunes agud magpreparar ha iya siyahan nga build-up para ha Mubadala DC Open ha Washington nga magtitikang yana nga Hulyo 27 kutob Agosto 2.
Mamulay naman hi Eala ha singles ngan doubles para ha nasabi nga torneyo kun diin, makakaupod hini an American legend Venus Williams para ha doubles.
Gintatawag naman an tandem han WTA ngan Mubadala kumo “Dream Team” kun diin, labot la ha mapaspas nga pagsaka ha WTA rankings ni Eala makakaupod hini hi Williams nga mayda 21 Grand Slam titles, kaupod an 14 ha doubles ngan upat nga Olympic gold medals.
