TACLOBAN CITY – Arestado, mahuman maaktuhan nga nagbubuhat hin illegal fishing an duha nga mga parupangisda ha Jiabong Samar.
Sumala kan PO2 Milo Tan han Jiabong PNP ginkilala an mga suspek nga hi Pepito Bascal Aban, 41 anyos an
pangidaron, ngan hi Lito Jeminez, 43 anyos an pangidaron, pareho may mga asawa ngan mga residente han Sitio
Calapog, Brgy. Bonu-anan, Catbalogan Samar.
Gindakop an mga purupangisda mahitungod nga nagbubuhat ini han gintatawag nga “liba-liba” usa nga klase hin illegal fishing .
Dugang pa ni Tan, ini nga pitad in pagtalapas han section 39, 44, 45 ngan 55 han Jiabong Municipal Ordinance No. 29 series 2008.
Ginbabana bana nga aada ha 30,000 pesos an kantidad han mga nakumpiskar nga mga isda tikang ha mga suspek.
Ha pagkayana, in nagpapabilin na ha kostudiya han mga kapulisan an mga suspek para igpailarom ha kaangayan nga disposisyon.
