HINUNDAYAN, SOUTHERN LEYTE – Dakop an duha nga indibidwal ha gindumara nga drug buy-bust operation han mga otoridad ha Hinundayan, Southern Leyte dida han nakalabay nga mga adlaw.
Ginkilala an mga naaresto kan alyas “Budoy”, ada ha legal nga pangidaraon, High-Value Target ngan usa nga public official ngan residente han Brgy. Biasong, Hinundayan, Southern Leyte ngan kan alyas “Cardo”, ada gihapon ha legal nga pangidaron ngan residente gihapon han mao nga bungto.
Nakumpiskar han mga otoridad an lima ka-sachet han ginaaligar nga ilegal nga droga nga mayda purlominos P130,152 nga market value ngan kabug-aton nga 19.14 ka-gramo.
Nakuha gihapon ha opersyon an P500 marked buy-bust money, usa nga brown leather wallet, cash nga maabot P3,101, usa nga cellphone ngan usa nga dark blue nga tube mask.
Samtang, kapot naman han mga otoridad an mga drug suspek kun diin kakaatubangon han mga ini an kaso ng may pagtalapas ha Section 5 ngan 11, Article II han Republic Act 9165 o an Comprehensive Dangerous Drug Act of 2002.
