Iginduduso ni Parañaque 2nd District Rep. Brian Yamsuan an panukala nga balaod nga magpapahitas ha sweldo han mga special needs education (SNed) teachers agud mabaton an kakulangan han mga magturutdo para ha mga istudyante nga mayda kapansanan.
Ha ilarom han House Bill 5574, igpapahitaas tikang ha Salary Grade 14 tikadto ha Garde 16 an minimum salary grade han SNed teachers ha mga pampubliko nga iskuylahan.
Kaparehas ini han basic pay nga P45,694 kada bulan yana nga tuig ngan P47,829 pag-abot han 2027.
Sumala kan Yamsuan, kinahanglan nga suprisyente an ihap han SNed teacher agud matagan hin patas nga oportunidad ha edukasyon an mga istudyante nga mayda kapansanan.
Subay ha datos, may-ada 391,089 learners with disabilities (LWDs) nga naka-enroll ha public schools dida han school year 2024-2025, pero waray pa 6,000 SNed teacher nga nagseserbi ha ira.
Ginpahayag ni Yamsuan nga mayda sobra-kulang 600 nga bag-o nga SNed teaching positions nga ginhimo han Department of Education (DepEd) yana nga tuig pero dire pa mapun-an mahitungod nga ginhuhulat an bag-o nga qualification standards tikang ha Civil Service Commission (CSC).
Nanawagan an magbabalaod hin CSC nga palaksihon an proseso ngan han Kongreso nga igpasa an panukala nga umento ha sweldo agud maka-aghat ngan mapabilin an mas damo nga SNd teachers ha mga pampubliko nga iskuylahan.
