TACLOBAN CITY— Ginmalatumat ni Romelo Anade, Head han City Agriculture nga posible nga gumios an presyo han kada kilo han pula nga sibuyas yana nga bulan.
Dugang ni Anade nga posible ine nga humitaas hin P30 an kada kilo, matungod nga dire sugad kadamo an na harvest ha Luzon area, tungod na gihapon nga dire peak harvest season para han mao nga produkto.
Matungod naman ha posibilidad han pag-gios han presyo, ginpatawag nira an ngatanan nga market vendors, stall operators, ngan holders ha merkdo publiko para han orientation dida han ika 9 han Disyembre.
Kasumpay han orientation ginmando an mga aludayday sugad hiton price-tagging, calibration han timbangan, ngan waste segregation nga magigin grounds para han non-issuance han mga clearnce ngan renewal.
Ginmalatumat gihapon ni Anade nga an nasabi nga orientation in nagserbi nga pag-isyu hiton ira mga agri certification.
Nanawagan naman hiya ha mga konsumidor ngan vendor nga magin vigilante ha mga dire nasunod ha ira mga ginpasabot nga aludayday.
