Naglunsar an Department of Trade and Industry (DTI) hin Youth Enterprise Fund agud mabuligan an mga kabataan nga Pilipino nga makagtikang hin kalugaringon negosyo pinaagi han pautang nga nagkakantidad hin P30,000 kutob P500,000.
An programa in para ha mga edad 18 kutob 30, nga mayda kutob tulo katuig nga palugit ha pagbabayad ngan pwede magkamay-ada hin maabot ha 12 kabulan nga grace period ugsa magtikang pagbayad.
Sumala kan Trade Secretary Cristina Roque, panuyo han programa nga matagan hin higayon an mga kabataan nga mayda maupay nga ideya ha negosyo pero kulang ha puhunan. Ginpadali gihapon an DTI an proseso han aplikasyon pinaagi han pag-iiban ha mga kinahanglan nga dokumento agud mas damo nga kabataan an makatagamtam.
Kadungan hini, padayon gihapon nga ginpapakusog han DTI an suporta ha micro, small and medium enterprises (MSMEs), nga nagbubug-os ha sobra 99% han mga negosyo ha nasud ngan naghahatag hin trabaho ha sobra 60% han mga mananarabaho nga Pilipino. May-ada gihapon iba pa nga financing programs an SBCorp para ha mga exporter, women entrepreneurs, ngan electric vehicle drivers.
Nakikipagbinuligay gihapon an DTI ha Department of Finance, World Bank, ngan Germany’s KfW Development Bank para ha SME Compete+ Project, nga panuyo himuon nga mas produktibo, mas kompetitibo, ngan mas andam ha pag-export an gudti ngan average-size nga mga negosyo.
Kaupod ha mga suporta nga ighahatag an akses ha financing, paggamit han makabag-o nga teknolohiya, pagsunod ha international standards, ngan paghahaluag han oportunidad ha lokal ngan world market.
