NATIONAL- Iginmando han Department of Trade and Industry ha mga e-commerce platforms nga dayon tanggalon an mga illegal ngan dire rehistrado nga vape products ha ira mga website ngan nagpahimatngun nga possible pasakahan hin sirot.
Sumala ha DTI, damo nga vape products online an waray sakto nga permit, health warning, ngan BIR stamp nga natalapas ha mga balaud sugad han Consumer Act, Republic Act 11900 o Vape Law, mga regulasyon han DOH ngan aludayday han BIR.
Ginpahayag han DTI nga ini in klaro nga pagtalapas han balaud sanglit kinahanglan ini ipaundang.
Tikang 2022, nakaghipatik na an DTI hin sobra 92,000 nga vape listings online. Kumo baton, gintagan hin 7 ka-adlaw nga compliance period an mga e-commerce platforms agud tanggalon an mga illegal nga produkto.
